Во културно социјалниот простор „Центар- Јадро, денес ќе биде отворена изложбата на македонска мода и дизајн „Slowscapes”. Изложбата ќе трае до 3 октомври, а ќе функционира во периодот од 12 до 20 часот.
Изложбата ќе се оддржи според актуелните протоколи за заштита од Ковид-19. Влезот ќе биде дозволен за лица што поседуваат сертификат за имунизација против САРС КОВ-2 или прележан Ковид-19 во последните 45 дена. Од организацијата известуваат дека во галеријата ќе биде дозволено присуство на вкупно 12 лица.
На изложбата ќе учествуваат брендовите и дизајнерите од „Лудус“, Марта Пејоска, „Волатајл“, „Армма“, Ксенија Котев, Нина Нине и „Кактус“.
Изложбата ќе даде приказ во работата на современите македонски дизајнери, истакнувајќи ги нивните практики што придонесуваат кон заштита на нашата средина и подобра иднина. Изложбата ќе има за цел да ја едуцира и поддржи публиката да започне да консумира свесно и одговорно, наспроти „брзата мода’ и прекумерното трошење кое ни се наметнува.
