Во „Тренд – Гастро Бар“ „Здружението за афирмација на правата на лицата со попреченост-Икуалити“, го организира првиот „Фестивал на инклузија“
Фестивалот започна со мисија за прославување на животот преку уметност. Учествува студиото за танц „Еурека“ со изведбата на инклузивната претстава „Рефлексија“, пијанистката Ема Ананиевска, како и инклузивниот „Трисомија 21“ и „Колектив Ветерница“. Фестивалот го поддржаа и Игор Џамбазов, Дани Димитровска и познатото дуо ДНК.
Фестивалот на инклузија има цел да ја разбуди емпатијата кај младите, да се олесни размената на искуства и да се укаже на важноста од почитување на меѓусебните разлики.
Сите кои сакаат да помогнат и пружат поддршка, тоа може да го направат преку официјалниот сајт на Здружението – организатор и неговата продажба во хуманитарни цели и целите за организација за наредните настани кои ќе се одвиваат низ целата земја.
