27.8 C
Skopje
Tuesday, May 24, 2022
spot_img

Исланд прва земја во Европа со женско мнозинство во Парламентот

Земјата која долго време се смета за лидер во родовата еднаквост, Исланд, најверојатно ќе стане првата европска држава со женско парламентарно мнозинство. Според проекциите базирани на финалните изборни резултати, 33 од 63 пратенички места во Парламентот, или 52 отсто, ги добија жени.

Ниту една друга европска земја нема повеќе од 50 проценти жени пратеници, а Шведска е најблиску со 47 отсто, според податоците собрани од Светска банка. Пет други држави во светот моментно имаат парламенти во кои жените имаат најмалку половина од пратеничките места, според Интерпарламентарната унија: Руанда 61%, Куба 53%, Никарагва 51% и Мексико и Обединетите Арапски Емирати 50%.

Скандинавската земја долго време е пионер за родовата еднаквост и правата на жените и ја предводи ранг-листата на Светскиот економски форум последните 12 години. Дванаесет пати е рангирана како наједнаква родова нација во светот, според извештајот на Светскиот економски форум кој беше објавен во март.

Земјата нуди еднакво породилно отсуство и за жените и за мажите, а првиот закон за еднаква плата на мажите и жените датира од 1961. Исланд исто така беше првата земја која избра жена претседател во 1980 година. Земјата нема законски квоти за женска застапеност во Парламентот, иако некои партии бараат минимален број кандидати да бидат жени.

Климатските промени беа приоритет на изборната агенда во Исланд, вулканска островска држава со глечери. 

Текстовите, фотографиите и останатите материјали што ги објавува Приказна.мк се авторски. Крадењето авторски содржини е казниво со закон. Бесплатно преземање е дозволено само на 20 отсто од содржината со задолжително цитирање на медиумот и хиперлинк до оригиналната содржина на Приказна.мк.

НАЈНОВИ ВЕСТИ

СЛЕДЕТЕ нѐ на

3,388FansLike
1,398FollowersFollow
spot_img

НАЈНОВИ