Генералното Собрание на Обединетите Нации од 2003 година го назначи 11 декември за Светски ден на планината. Од тогаш, секоја година овој ден се посветува за подигнување на свеста за важноста на планините во нашите животи, да се посочат можностите и препреките за одржливо управување со планините и за градење на позитивни примери кон луѓето кои живеат на овие места насекаде низ светот.
Според податоците, 15% од светското население живее на планини. Зачувувањето на планините е клучен фактор за нивен одржлив развој. Поради климатските промени, прекумерната експлоатација, планините се под закана. Планините не се важни само за жителите на планината, туку и за милиони луѓе што живеат во низините. Тие се извори на најголемите реки во светот и исто така играат клучна улога во водниот циклус.
Маврово е најголемиот национален парк во Македонија, кој е лулка на највисокиот врв на земјата: планината Кораб од 9.068 стапки. Мечки, рисови, волци, елени и 129 видови птици шетаат низ шумата што се движи и во висорамнините на паркот.
Карстовиот пејзаж на варовник во Македонија е како швајцарско сирење, преполно со повеќе од 300 пештери.
Планинарењето последните 2-3 години, доживува некоја експанзија, особено во периодот на короната, кога бевме сите затворени дома, па сакавме да излеземе некаде. Таа масовност можеби до некаде, оди во погрешен правец. Луѓето не се свесни дека планинарењето како спорт е многу опасен спорт. Планинарењето се одвива на отворено и не можеме да ги предвидиме условите кои ќе нè пречекаат. Има многу луѓе кои симнуваат од веб сервери патеки, па, мислат дека со помош на мобилниот уред ќе се движат на планина. Напротив, доаѓа период каде денот е намален, променливи се временските услови. На ниво на Македонија имаме регистрирано околу 3.300 планинари, во сите планинарски друштва, изјави Јовица Апостоловски, претседател на планинарското друштво H2O.
Бранка Чочковска
Вики Чадиковска
Ване Маркоски
