Македонија е земја препознатлива по вкусната храна и доброто вино. Гастрономската мапа на главниот град-Скопје од неодамна е надополнета со ново угостителско име кое ги соединува традиционалната храна, брзата услуга и звуците на македонската песна. Атер Меана ја збогатува угостителската понуда на Дебар маало.
„Тука добро се јаде во кој било дел од денот. Од појадок, до ручек или вечера. Нашата цел е на посетителите да им ја понудиме македонската традиционална кујна, па во таа насока, ќе се обидеме да ги освоиме со нашите топли или ладни предјадења, главни јадења, десерти. Македонската кујна е вистинска ризница која изобилува со вкусови, а нашето мени ќе биде прилика да уживаат во неа сите посетители, домашни или странски. Сарма, тавче гравче, полнети пиперки, гулаш, мусака се само дел од традиционално мени“, велат од Атер Меана.
Пржени лепчиња за појадок, вкусна телешка или вргањ чорба, проја, пита, качамак, месо на жар, специјалитети на куќата се само дел од вкусното мени, достапно и приспособено од страна на готвачите Јован Валмарски и Соња Неделковска.
Во Македонија се негува едно убаво правило, нема добра забава, без десерт. Ова беше нашиот водич при изготвувањето на слаткото мени во кое вклучивме баклава, туфакија, трилече, чоколадна торта, а секако, не ги заборавиме ни сладоледот и палачинките.
Секое гастро уживање е следено од добар пијалак и музика, па затоа ве покануваме да наздравиме додека пееме. За атер.
