Славјанка Влахчева е прва образувана медицинска сестра во Македонија. Била позната како Македонското девојче во бело. Влахчева е родена во Штип во 1900 година. Го завршила Училиштето за медицински сестри на Друштвото на црвениот крст во Белград, 1924 година. Откако се вратила во родниот град, активно се вклучила во борбата против маларијата. Подоцна почнала да работи на Антитуберкулозниот диспанзер во Скопје. Влахчева има особена заслуга за воведувањето на патронажната служба и спроведувањето на бесеже вакцинацијата
Панче Караѓозов бил македонски хирург и професор, еден од најистакнатите стручњаци од областа на хирургијата. Toj се смета за основоположник на хирургијата во Македонија. Потекнува од Штип. Како еден од најдобрите ученици на Штипската гимназија, го продолжил своето образование на познатите универзитети во Грац и Виена.
Панче, неговата сопругата, и првата медицинска сестра, Славјанка Влахчева, по војната, во периодот од 1945/46 година, биле организатори на првото училиште за медицински сестри и техничари во Скопје во кое своето формално образование во повоениот период го добиле многу генерации медицински сестри и техничари. Подоцна ова училиште го добило името „Д-р Панче Караѓозов“.
