Во Младинскиот културен центар во Скопје се одржа првата професионална детска претстава на знаковен јазик. „Три“ е претстава во која актерите паралелно зборуваат говорно и користејќи знаковен јазик. Претставата е во режија на Јован Ристовски.
Детската претстава „ТРИ“ која е прва на знаковен јазик е посветена на еко-катастрофата која се случува поради глобалното затоплување, отпадот, загадувањето на воздухот, водата и почвата. Акцентот во претставата е ставен на селекцијата на отпадот, пластичните отпадоци кои треба да се фрлаат во сина корпа, хартијата во жолта, а останатите отпадоци во зелена корпа.
Оваа претставата е работена по легендата од Марко Цепенков за овчарот и трите самовили. Претставата е поддржана од германската интернационална агенција за соработка ГИЗ и Министерството за култура, а е во продукција на АТО — Центар за современа уметност и култура од Битола.
