14.8 C
Skopje
Wednesday, September 28, 2022
spot_img

„Скејтањето не е за девојчиња“ на Дина Дума освои две награди на Сараевскиот филмски фестивал

„Скејтањето не е за девојчиња“ на режисерката Дина Дума, во продукција на „Сестри и брат Митевски“ доби две награди за развој на копродукцискиот маркет Синелинк на Сараевскиот филмски фестивал. Вториот филм на Дума доби по 10.000 евра за наградата Синелинк на Филмскиот центар на Србија и за наградата Женски гласови од Словенскиот филмски центар.

Од Агенцијата за филм, нагласуваат дека признанието кое пристигнува од Сараево е огромно, од најзначајниот регионален копродукциски маркет, бидејќи ‘Скејтањето не е за девојчиња’ беше во конкуренција за награди со 46 филмски проекти во развој во конкуренција, а го препознаа две жирија, меѓународни, составени од признаени филмски дејци независни едно од друго.

Проект на Дина Дума веќе од почетокот предизвикува големо внимание во меѓународните филмски кругови. Филмот беше селектиран и како еден од шест филма во најпрестижната програма за развој на Канскиот филмски фестивал 2022, Резиденс на Кан, во ателјето на Канската Синефондасион, со престој во Франција, Париз и Кан, од март до јули годинава.

Текстовите, фотографиите и останатите материјали што ги објавува Приказна.мк се авторски. Крадењето авторски содржини е казниво со закон. Бесплатно преземање е дозволено само на 20 отсто од содржината со задолжително цитирање на медиумот и хиперлинк до оригиналната содржина на Приказна.мк.

НАЈНОВИ ВЕСТИ

СЛЕДЕТЕ нѐ на

3,649FansLike
1,468FollowersFollow
spot_img

НАЈНОВИ