25.8 C
Skopje
Thursday, June 13, 2024
spot_img

Росица Мршиќ со нова капсуларна колекција со хуманитарен карактер

Модната дизајнерка Росица Мршиќ ја лансира новата лимитирана капсуларна ’Bloom‘ колекција со која го продолжува својот моден израз на употреба авторски дизајнерски решенија и принтови во своите колекции. Изработена со голема посветеност и внимание и „нула“ отпад во производствениот процес, оваа колекција на женски блузи е со препознатливи рачно изработени детали, карактеристични за дизајнерката, и безвременски дизајн. Блузите се изведени во приспособлив крој за да одговараат на сите величини, изработени од памук во бела и црна боја. Bloom колекцијата е создадена да ја мотивира женската индивидуалност и креативност.

Блузите можат да се комбинираат со различни парчиња облека за постигнување софистициран изглед за различни прилики во текот на целиот ден.

Колекцијата, освен што е направена според принципите на општествено одговорна изработка има и хуманитарен карактер, 10% од секоја продадена блуза од оваа колекција, е наменета за помош на децата во СОС детско село Македонија.

Росица Мршиќ е интернационално наградувана македонска дизајнерка, активна со својот бренд уште од 2008 година на домашниот и странскиот пазар. Таа применува соработка со домашната модна индустрија, со уметници, артизани, лица од ранливи категории во изработка на своите колекции и модни додатоци и создава колекции во соработка со други брендови.

Текстовите, фотографиите и останатите материјали што ги објавува Приказна.мк се авторски. Крадењето авторски содржини е казниво со закон. Бесплатно преземање е дозволено само на 20 отсто од содржината со задолжително цитирање на медиумот и хиперлинк до оригиналната содржина на Приказна.мк.

НАЈНОВИ ВЕСТИ

СЛЕДЕТЕ нѐ на

5,499FansLike
3,121FollowersFollow
spot_img

НАЈНОВИ