„Дислексичниот начин на размислување“ или „Dyslexic Thinking“ конечно е препознаен како витална работна вештина од страна на LinkedIn, најголемата светска професионална платформа. LinkedIn ќе им понудат на своите 810+ милиони корисници на својот профил да го додадат „Dyslexic Thinking“ како вештина.
Вештините за дислексично размислување како креативност, решавање проблеми и лидерство се од витално значење за работното место во 21 век, кога ќе достигнеме 50-50 работни места помеѓу машините и луѓето, како што е предвидено за 2025 година – вештините што ќе им требаат на луѓето се вештини кои ги носи дислексично размислување.
Терминот „Dyslexic Thinking“ и официјално ќе биде признаен како термин кој означува вреден и витален сет на вештини, според dictionary.com, пренесуваат од здружението за дислексија Ајнштајн.
Ова е резултат на успешната кампања спроведена од организацијата „Made by dyslexia“ во партнерство со претприемачот Ричард Бренсон.
