-2.2 C
Skopje
Monday, February 6, 2023
spot_img

ЕУ ГО СЛАВИ РОДЕНДЕНОТ НА ГОРАН СТЕФАНОВСКИ ВО ДЕБАР МААЛО

Во организација на Делегацијата на Европската Унија и Европска куќа Скопје, во 17 часот во паркот со бронзеното спомен-обележје на Горан Стефановски во Дебар Маало, ќе се одржи празничен собир во чест на 70-годишнината од неговото раѓање. Паркот во 17 часот, ќе биде осветлен и исполнет со неговите цитати на сите европски јазици. Присутните, пак, низ дружење и неформален разговор ќе се потсетат на моментите од неговиот живот и неговите дела, кои оставија големо културно наследство.

„Со овој настан ги славиме приказните на Горан. Паркот со клупата на Горан ќе биде симболично празнично осветлен, и украсен со лампиони со цитат од Горан, преведен на сите јазици на ЕУ. Паркот покрај ЛЕД и соларните сијалички ќе биде украсен со рачно изработени сувенири од природни материјали и на секој од нив ќе биде испишан цитатот на Горан Стефановски, на сите европски јазици: ’Сите живи суштества се раѓаат со инстинкт за преживување. Пајаците, за да преживеат, ткаат мрежи. Луѓето, за да преживеат, ткаат приказни. За нас нема ништо поважно од овие приказни. Тие се сржта на нашиот живот, ’рбетот на нашиот идентитет‘“, најавуваат организаторите.

Ќе говори евроамбасадорот во земјава Дејвид Гир, а кон животот и делото на Стефановски ќе се осврнат членови на неговото семејство, како и авторот Иван Антоновски, познавач и промотор на неговото творештво.

Во случај на неповолни временски услови, организаторот вели дека неформалното дружење по обраќањата ќе биде преместено во Театарот на сенки и облаци, до гостилница Наџак.

„Чест ми е што на настанот ќе можам и да кажам некој збор за нашиот Горан, приказните и Европа … Да бидеме заедно, пораката од ’Искрата што се измолкнува‘ да ни даде нова светлина, во ново поглавје од нашата приказна …“, посочува Иван Антоновски.

Настанот ќе биде придружен со тивка акустична музика од бендот „Amniotic Fluid“.

Текстовите, фотографиите и останатите материјали што ги објавува Приказна.мк се авторски. Крадењето авторски содржини е казниво со закон. Бесплатно преземање е дозволено само на 20 отсто од содржината со задолжително цитирање на медиумот и хиперлинк до оригиналната содржина на Приказна.мк.

НАЈНОВИ ВЕСТИ

СЛЕДЕТЕ нѐ на

3,897FansLike
1,528FollowersFollow
spot_img

НАЈНОВИ