15.8 C
Skopje
Friday, September 30, 2022
spot_img

Вечерва во 20 часот во Филхармонија ќе се одржи „Цепки“ на „ПичПрич“

Вечерва во 20 часот во Филхармонија, ќе се одржи „Цепки“, специјално гала издание на иницијативата за раскажување женски приказни „ПичПрич“. Настанот е по повод десетгодишниот јубилеј на фестивалот за феминистичка култура и акција „Прво, па женско“.

Темата на „Цепки“ ќе биде субверзивната моќ на хуморот и ќе понуди повеќе толкувања на тоа што е смешно. Ќе учествуваат петмина раскажувачи кои со своите настапи веќе оставиле голем впечаток на „ПичПрич“: уметницата Јана Јакимовска, планинарката и уметница Илина Арсова, писателот Петар Андоновски, радиоводителката Маја Казакова и режисерката Софија Ристевска. Како и на сите други гала настани на „ПичПрич“, ќе настапи и една регионална раскажувачка, хрватската писателка и активистка Мима Симиќ.

Нема достапен опис
Радиоводителката Маја Казакова

Радиоводителката Маја Казакова за Приказна изјави: „Кога ми ја кажаа темата за оваа година Цепки, веднаш почувствував трема и притисок дека задолжително треба да зборувам нешто смешно, но јас сум жена во едни чудни години каде што можам да се расплачам и на текст од детска песна. Тоа што вечер ќе раскажувам се вистински приказни од мојот живот, скоро па секогаш исполнет со необични и комични ситуации.“

„ПичПрич“ е авторство на Ана Василева и Румена Бужаровска, заедно со „Тиииит! Инк“. Билетите за „Цепки“ чинат 200 денари. Настанот е поддржан од Шведска и фондацијата „Kvinna till Kvinna“.

Текстовите, фотографиите и останатите материјали што ги објавува Приказна.мк се авторски. Крадењето авторски содржини е казниво со закон. Бесплатно преземање е дозволено само на 20 отсто од содржината со задолжително цитирање на медиумот и хиперлинк до оригиналната содржина на Приказна.мк.

НАЈНОВИ ВЕСТИ

СЛЕДЕТЕ нѐ на

3,649FansLike
1,467FollowersFollow
spot_img

НАЈНОВИ