26.8 C
Skopje
Saturday, April 13, 2024
spot_img

Дита Старова Ќерими одликувана со Орденот „Витез на Редот Ѕвезда на Италија“

На свечен настан во Чифте амам, во присуство на голем број уметници, студенти, колеги, пријатели, Дита Старова-Ќерими, го прими Орденот „Витез на Редот Ѕвезда на Италија“ од Амбасадорот на Република Италија, Н.Е. Андреа Силвестри во Скопје.

Орденот го доделува претседателот на Италија Серџо Матарела за воспоставување и негување на лични и професионални релации со Италија, за соработка во различни области и продлабочување на односите меѓу институциите и граѓаните од двете држави, а на предлог на министерот за надворешни работи. Ова одликување е воведено во 1947 година како „Ред на Ѕвездата на италијанската солидарност“, а од 2011 го носи новото име.

Дита Старова Ќерими (1984) е академска сликарка, доцент на Факултетот за архитектура и дизајн при Универзитетот „Американ колеџ“ – Скопје, и актуелна директорка на Националната галерија. Таа со бројни врвни изложби ја раздвижи културната сцена дома и ја врати публиката во музеите. Таа четири пати беше комесар на националниот павилјон на престижниот светски саем на уметноста – Венециско биенале и добитник на наградата „13 Ноември“ во 2019 година за посебен придонес во културата и севкупниот развој и афирмација на Град Скопје.

По свеченото одликување, беше отворена изложбата „Најдрагиот Пинокио, италијанските дизајнери и графички дизајнери ја редизајнираат најпознатата кукла на светот“. Според директорката на Националната галерија, Дита Старова-Ќерими, се работи за патувачка изложба, која, по 28 март, заминува за Сан Франциско, САД.

Текстовите, фотографиите и останатите материјали што ги објавува Приказна.мк се авторски. Крадењето авторски содржини е казниво со закон. Бесплатно преземање е дозволено само на 20 отсто од содржината со задолжително цитирање на медиумот и хиперлинк до оригиналната содржина на Приказна.мк.

НАЈНОВИ ВЕСТИ

СЛЕДЕТЕ нѐ на

5,231FansLike
2,800FollowersFollow
spot_img

НАЈНОВИ